عبدالله: به زودی بساط تروریستان در بدخشان برچیده می‌شود

سپوتنیک، کابل: عبدالله عبدالله رییس اجراییه حکومت وحدت ملی، در یک نشست فوق‌العاده نمایندگان ولایت بدخشان در شورای ملی با مقام‌های ارشد امنیتی، گفته است که به زودی بساط تروریستان از ولایت بدخشان برچیده خواهد شد.

آقای عبدالله می‌گوید که رسیدگی به خواست‌های باشندگان ولایت بدخشان از اولویت‌های حکومت وحدت ملی است و دولت بساط تروریستان را از این ولایت می‌چیند.

همچنین مقام‌های ارشد امنیتی نیز در این نشست فوق‌العاده گفته‌اند که اقدامات و برنامه‌های عملی برای بهبود وضعیت امنیتی در ولایت بدخشان رویدست گرفته شده است. این مقام‌ها تاکید کرده که برای سرکوب و نابودی تروریستان بین المللی در ولایت بدخشان و ولایت‌های شمال شرق اقدام می‌شود.

ولایت بدخشان در شمال کشور، طی ماه‌های اخیر به نگرانی‌های جدی امنیتی مبدل شده است. در تعدادی از ولسوالی این ولایت افراد گروه طالبان فعالیت گسترده دارند.