عبدالله به نهادهای دولتی: پول برق تان را بپردازید

© Photo / ریاست اجراییهعبدالله به نهادهای دولتی: پول برق تان را بپردازید
عبدالله به نهادهای دولتی: پول برق تان را بپردازید - اسپوتنیک افغانستان
Telegram
اسپوتنیک، کابل: عبدالله عبدالله رییس اجراییه حکومت وحدت ملی، از تمام نهادهای دولتی خواسته تا پول صرفیه برق شان را به شرکت دولتی برشنا بپردازند.

آقای عبدالله که امروز در نشستی با مسوولان دولتی صحبت می‌کرد، گفت که نهادهای دولتی باید پول مصرف برق شان را تصفیه کنند.

رییس اجراییه گفته است: «وزارت مالیه در هماهنگی با سایر ادارات دولتی مقروض برای تصفیه‌سازی این کار یک ساز و کار عملی را روی ‌دست گیرد.» عبدالله عبدالله هم‌چنین می‌گوید: «وزارت مالیه در سال‌های آینده مسوولیت دارد که بودجه انرژی برق را بر اساس نیازمندی وزارت‌ها و ادارات دولتی در نظر بگیرد تا از مشکل پیش‌ آمده در آینده جلوگیری شود.»
عبدالله عبدالله می‌افزاید که شرکت برشنا فهرست مقروضین خود را باید نهایی سازد. وی تاکیدکرد که وزارت مالیه نیز مسوولیت دارد تا پنجاه درصد این پول را از طریق بودجه نهادهای مقروض و پنجاه درصد دیگر را از بودجه خود به شرکت برشنا پرداخت کند.

در همین‌حال، قدرت‌الله دلاوری رییس شرکت برشنا می‌گوید که

۵۴۴ نهاد دولتی به‌شمول وزارت‌خانه‌ها، ریاست‌های مستقل و تصدی‌های دولتی از شرکت برشنا مبلغ 3.5 میلیارد افغانی قرض‌دار هستند که از چندین سال تاکنون تصفیه نکرده‌اند. به گفته او، این ادارات از 50 میلیون تا 1.2 میلیارد افغانی قرض‌دار می‌باشند.
 رییس برشنا افزود: «بر اساس تصمیم مشترک با وزارت مالیه، شرکت برشنا تلاش کرد تا از مسوولان ادارات دولتی درباره مبلغ مشخص باقی‌داری تصدیق بگیرد، اما متاسفانه مشکل لاینحل باقی مانده است.»

هم‌چنین مصطفی مستور مشاور ارشد رییس اجراییه و معین مالی و اداری وزارت مالیه، می‌گوید که این وزارت بودجه انرژی برق وزارت‌‌خانه‌ها و ادارت دولتی را بر اساس مصارف سال گذشته‌ آنها می‌سنجد و مبلغ لازم را تعیین می‌کند.

 معین وزارت مالیه گفت که برای حل این مشکل شرکت برشنا در هماهنگی با وزارت‌ها و سایر ادارات دولتی، صرفه‌جویی و پرداخت به‌موقع پول برق را جدی بگیرند و در صورت عدم پرداخت صرفیه، برق آن اداره را قطع نماید.

نوار خبری
0
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала