عروسی – تحفه رییس پوهنتون تاجکستان به دختران لایق

رهبری پوهنتون دولتی تجارت تاجکستان به دختران لایق که تحصیلات شان را با نمرات عالی به پیش می‌برند، وعده سپرده است که تمام مصارف محافل عروسی شان را می‌پردازد.

به گزارش اسپوتنیک، حمیدالله خان فقیروف، رییس پوهنتون دولتی تجارت تاجکستان گفت: "آنها مثل اولاد ما اند. و ما می‌خواهیم که در جریان تحصیل آنها به درس فکر کنند، نه به ازدواج و مصارف آن. به همین دلیل ما به محصلین ما وعده سپرده ایم که اگر آنها خواستار ازدواج با هم‌صنفان و هم‌دوره‌هایشان در پوهنتون باشند، تمام مصارف عروسی شان را رهبری پوهنتون پرداخت می‌نماید".

  به گفته وی، رهبری پوهنتون می‌خواهد بیشتر خانواده‌های همفکر ایجاد شوند.

فقیروف افزود که درحال حاضر 15 درصد بیش از 5 هزار محصل این پوهنتون را دختران تشکیل می‌دهند.