عبدالله عبدالله: مدل صلح تاجیکستان در افغانستان قابل اجرا نیست

© Sputnikعبدالله عبدالله: مدل صلح تاجیکستان در افغانستان قابل اجرا نیست
عبدالله عبدالله: مدل صلح تاجیکستان در افغانستان قابل اجرا نیست - اسپوتنیک افغانستان
Telegram
رئیس اجراییه افغانستان امروز به روزنامه نگاران تاجیک گفت: "ما از کشورها می خواهیم تا مردم افغانستان را به عنوان قربانیان تروریسم تشخیص دهند."

دیدار عبدالله عبدالله با رئیس جمهور تاجکستان - اسپوتنیک افغانستان
دیدار عبدالله عبدالله با رئیس جمهور تاجکستان
به گزارش اسپوتنیک، عبدالله عبدالله رئیس اجراییه افغانستان امروز در مصاحبه ای با روزنامه نگاران تاجیکستان گفت، مدل صلح تاجیکستان در افغانستان قابل اجرا نیست، زیرا طالبان از بیرون پشتیبانی می شوند

او گفت:- "هر کشوری شرایط خود را دارد. متاسفانه، گروه های تروریستی به پشتیبانان شان پناه می برند، و آنها از بیرون افغانستان پشتیبانی و تامین می شوند".

وی خاطرنشان کرد، در آوردن صلح به تاجیکستان نقش مهمی را برهان الدین ربانی رئیس جمهور پیشین این کشور و احمدشاه مسعود در آن زمان ایفا کردند.

او افزود:- "آنها نمی خواستند که حداقل یک روز دیگر هم در کشور همسایه و دوست شان جنگ ادامه پیدا کند. بنابراین افغانستان واسطه شد تا در تاجیکستان صلح برقرار شود. اگر در تاجیکستان جنگ ادامه پیدا می کرد، ما نیز زیر تاثیر آن قرار می گرفتیم".

او ابراز اطمینان کرد، که تاجیکستان همچنین می خواهد و تلاش می کند تا جنگ در افغانستان پایان یابد، اما این کار را نمی تواند به خاطری که گروه های تروریستی در تاجیکستان قرار ندارند و آنها نمی توانند بالای آنها فشار بیاورد".

در ادامه او افزود:- "در زمان جنگ تاجیکستان، در افغانستان اعضای گروه های مخالف دولت تاجیکستان به عنوان پناهنده به افغانستان آمده بودند و با واسطه آنها ما توانستیم به صلح تاجیکستان کمک کنیم".

به گفته عبدالله، هدف تروریست ها تنها افغانستان نیست.

عبدالله عبدالله تاکید کرد، که امروز تروریست ها در افغانستان جا به جا شده اند و اما هدف آنها کشورهای آسیای مرکزی و قفقاز است. افغانستان قربانی گروه های تروریستی است و ما از کشورهای دیگر می خواهیم که مردم افغانستان را به عنوان قربانیان تروریسم بشناسند".

یادآوری می کنیم، که دکتر عبدالله عبدالله به منظور شرکت در شورای سران دولت های سازمان همکاری شانگهای به شهر دوشنبه سفر کرده است.

 

 

نوار خبری
0
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала