طرح «سرپرستی حکومت» به دیپلمات‌های خارجی ارایه گردید

شورای نامزدان ریاست جمهوری، طرح «سرپرستی حکومت» را به نمایندگان کشورهای خارجی مقیم کابل، ارایه کرده است.

به گزارش اسپوتنیک، این طرح توسط احمدولی مسعود نامزد ریاست‌جمهوری و جاوید لودین عضو تیم تخنیکی شورای نامزدان ریاست‌جمهوری به دیپلمات‌های خارجی ارایه شده است.

در این محفل دیپلماتیک، دیپلمات‌های خارجی از کشورهای امريكا، بریتانیا، فرانسه، ايتاليا، روسيه، پاكستان، جاپان، هالند، هندوستان، تاجيكستان، يونما، ناتو و بنياد آغا خان و اعضای شورای کاندیدان ریاست جمهوری حضور داشتند.

طرح “سرپرستی حکومت” به محفل دیپلماتیک کابل ارایه گردید

© Photo / AWM / AWM

گفتنی است که شورای نامزدان ریاست‌جمهوری که شامل 12 ستاد انتخاباتی می‌شود، اول جوزا سال 1398 را پایان کار حکومت وحدت ملی اعلام کرده و طرح «سرپرستی حکومت در چارچوب نظام جمهوری اسلامی افغانستان» را پیشنهاد کرده است.

در ماده 61 قانون اساسی کشور آمده که وظیفه رئیس‌جمهور در اول جوزای سال پنجم بعد از انتخابات پایان می‌یابد و انتخابات به منظور تعیین رییس جمهوری جدید در خلال مدت سی الی شصت روز قبل از پایان کار رئیس جمهور برگزار می‌شود.