افغانستان گروهی از زندانیان تاجک را به دوشنبه تسلیم کرد

© AFP 2022 / Patrick Bazافغانستان گروهی از زندانیان تاجک را به دوشنبه تسلیم کرد
افغانستان گروهی از زندانیان تاجک را به دوشنبه تسلیم کرد - اسپوتنیک افغانستان
Telegram
حکومت افغانستان ۸ زندانی تاجک را به حکومت تاجکستان تسلیم نمود.

به گزارش اسپوتنیک، شریف الدین ایموموف، سفیر تاجکستان در کابل امروز (سه شنبه، ۱۱ سرطان) به خبرنگاران گفت که حکومت کابل گروهی از شهروندان تاجکستان را که در این کشور در بند به سر می‌برند را به دوشنبه انتقال داده است و در حال حاضر هیچ شهروند تاجکستان در زندان های افغانستان به سر نمیبرند.

شریف الدین ایماموف: «گروهی متشکل از ۸ زندانی — شهروندان تاجکستان به دوشنبه منتقل شدند. با این کار هیچ هموطن ما در زندان های افغانستان باقی نمانده است.»

به گفته وی، این زندانیان دوره محکومیت باقیمانده شان را در تاجکستان سپری خواهند کرد.

انتظار میرود که حکومت تاجکستان در جواب به این اقدام افغانستان، ۸۰ زندانی افغان را به کابل برگرداند.

آقای ایماموف در این مورد گفت: «مسئله استرداد زندانیان افغان نهایی شده است و در حال حاضر بحث روی زمان تحویل دادن آنها به کابل جریان دارد.»

یادآوری میکنیم، در ماه می سال روان صلاح‌الدین ربانی، سرپرست وزارت امور خارجه افغانستان در دیدار با امام علی رحمان، رئیس جمهور تاجکستان از وی خواست تا زندانیان افغان را به افغانستان مسترد کند. در جواب رئیس جمهور رحمان اطمینان داد که حکومت دوشنبه در آینده نزدیک ۸۰ نفر از زندانیان افغان را كه در این كشور زندانی هستند، به افغانستان انتقال خواهند داد.

بر اساس آمار وزارت امور خارجه افغانستان در حال حاضر بیش از ۲۰۰ شهروند افغان در زندان های تاجکستان به سر میرند.

نوار خبری
0
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала