به گزارش اسپوتنیک، عبدالواحد وجدان، فرمانده امنیه پولیس ولایت جوزجان به سلام‌وطندار می‌گوید که جنگ طالبان در این ولایت را جنرالان متقاعد پاکستان به دستور شورای کویته رهبری می‌کنند.
آقای وجدان می‌افزاید، رهبری جنرالان پاکستانی را فردی به نام شیخ مطیع‌الله به دوش دارد که تخریب پروژه‌های عام‌المنفعه، قتل غیرنظامیان و ماین‌گذاری را جهاد اعلام کرده است.
امرالدین دانشجو، عضو شورای ولایتی جوزجان نیز تأیید می‌کند که در حال حاضر رهبری جنگ طالبان در این ولایت را جنرالان پاکستانی که از قندهار آمده‌اند به دوش دارند.
اما ذبیح‌الله مجاهد، از سخنگویان طالبان حضور جنرالان پاکستانی در جوزجان را رد می‌کند.
فعالان مدنی جوزجان می‌گویند، با گذشت هر روز وضعیت امنیتی در این ولایت وخیم‌تر می‌شود؛ اما حکومت خاموشی اختیار کرده‌است.
