نشست امنیتی به رهبری غنی برگزار گردید

© ارگ ریاست جمهوری نشست امنیتی به رهبری غنی برگزار گردید
نشست امنیتی به رهبری غنی برگزار گردید - اسپوتنیک افغانستان
Telegram
ارگ ریاست جمهوری افغانستان از نشست امنیتی به رهبری رئیس جمهور این کشور خبر داد.
گفت و گوی تیلیفونی غنی با ظریف درباره تامین آتش بس  - اسپوتنیک افغانستان
گفت و گوی تیلیفونی غنی با ظریف درباره تامین آتش بس

به گزارش اسپوتنیک، ارگ ریاست جمهوری افغانستان نوشت: به سلسله جلسات امنیتی با مسئولان ولایت های کشور، پس از ظهر امروز جلسه امنیتی ولایت کابل به رهبری محمد اشرف غنی رئیس جمهور و سرقوماندان اعلی قوای مسلح کشور، از طریق ویدیو کنفرانس برگزار گردید.

ارگ ریاست جمهوری افغانستان همچنان نوشته است، که در این نشست که داکتر حمدالله محب مشاور امنیت ملی کشور نیز حضور داشت، ابتدا مسئولان امنیتی ولایت کابل در پیوند به وضعیت عمومی امنیتی، تطبیق پلا‌ن‌ها، مبارزه با جرایم جنایی و مواد مخدر، به رئیس جمهور گزارش ارائه کردند.

سپس غنی ضمن ابراز تشکر از تلاش‌های نیروهای امنیتی و دفاعی کشور، از تلاش‌های نهادهای امنیتی کابل قدردانی نمود و همچنان بر تمرکز هرچه بیشتر آنان در بخش‌های مبارزه با جرایم جنایی، مواد مخدر و سرقت ها، تاکید ورزید.

رئیس جمهور افغانستان ضمن تاکید روی برخورد مسلکی پولیس با شهروندان، به قوماندانی امنیه کابل هدایت داد، تا به منظور مسلکی سازی پولیس، در مورد استخدام کادرهای جوان، مسلکی و متعهد از میان فارغ التحصیلان جدید نظامی و ملکی، اقدام نماید.

درپایان این خبرنامه آمده است، که همچنان در این جلسه به قوماندانی امنیه کابل وظیفه سپرده شد در هماهنگی و همکاری با دفتر شورای امنیت ملی، پلان منظمی را جهت چگونگی تأمین امنیت ولایت کابل، تدوین و تطبیق نماید.

نوار خبری
0
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала