ناامنی‌های شاهراه کابل-بدخشان؛ شهروندان بدخشان در کابل نشست اعتراضی برگزار کردند

© Sputnik / Tariq Azimناامنی‌های شاهراه کابل-بدخشان؛ شهروندان بدخشان در کابل نشست اعتراضی برگزار کردند
ناامنی‌های شاهراه کابل-بدخشان؛ شهروندان بدخشان در کابل نشست اعتراضی برگزار کردند - اسپوتنیک افغانستان
عضو شوید
شماری از شهروندان بدخشان در کابل، در پیوند به ناامنی‌های شاهراه کابل-بدخشان نشست اعتراضی برگزار کردند.

به گزارش اسپوتنیک، در پیوند به ناامنی‌های شاهراه کابل-بدخشان امروز جمعه (26جون) شماری از شهروندان بدخشان در کابل در یک نشست اعتراضی به راه انداختند.
اعتراض کننده‌ها می‌گویند، سیاست گنگ و نامفهم حکومت در خصوص طالبان باعث شده است که یک شمار از شهروندان بدخشان در مسیر راه جان‌شان را از دست بدهند.
آنان می‌گویند، جوانان زیادی از شهروندان بدخشان در صفوف نیرو‌های امنیتی خدمت می‌کنند؛ اما زمانی که می‌خواهند به خانه برگردند، در مسیر راه از سوی جنگجویان مسلح کشته می‌شوند.
به گفتهٔ آنان حکومت در تأمین امنیت شاهراه‌ها ناکام بوده و اگر این روند ادامه پیدا کند، آنان مجبور می‌شوند امنیت را از طریق نیرو‌های محلی تأمین کنند.
شهروندان بدخشان از وزارت‌های دفاع و داخلهٔ افغانستان شکایت دارند و می‌گویند، مسوولین امنیتی افغانستان در حصه پاسخ‌دهی به خانواده شهدا مسوولانه عمل نکرده است.
اعتراض‌کننده‌ها از دولت افغانستان می‌خواهند که هیچ پیش‌شرطی از سوی طالبان پذیرفته نشود و دولت باید در خصوص صلح و تأمین امنیت قاطعانه عمل کند.

نوار خبری
0
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала