دیدار حنیف اتمر با نخست وزیر ازبیکستان

© رخنامه وزارت خارجه دیدار حنیف اتمر با نخست وزیر ازبیکستان
دیدار حنیف اتمر با نخست وزیر ازبیکستان - اسپوتنیک افغانستان
Telegram
وزارت امور خارجه افغانستان از دیدار وزیر خارجه افغانستان با نخست وزیر ازبیکستان خبر داد. 
قرارداد ده‌ سالهٔ انتقال برق میان افغانستان و ازبیکستان امضا شد - اسپوتنیک افغانستان
قرارداد ده‌ سالهٔ انتقال برق میان افغانستان و ازبیکستان امضا شد

به گزارش اسپوتنیک، وزارت امور خارجه افغانستان امروز نوشت: محمد حنیف اتمر سرپرست وزارت امور خارجهٔ جمهوری اسلامی افغانستان، پس از چاشت روز جمعه، با عبدالله اریپوف نخست وزیر جمهوری ازبیکستان ملاقات کرد. در این ملاقات شاکر کارگر رئیس عمومی دفتر مقام ریاست جمهوری و آقای احمد خالد علمی سفیر افغانستان در ازبیکستان نیز حضور داشتند.
در ادامه این خبرنامه آمده است، که نخست وزیر ازبیکستان ضمن ابراز خیرمقدم به سرپرست وزارت امور خارجه افغانستان گفت: ازبیکستان آمادهٔ توسعه و گسترش روابط در عرصه‌های مختلف با جمهوری اسلامی افغانستان می‌باشد. آقای اریپوف امضای قرارداد ازدیاد انتقال برق از اوزبیکستان به افغانستان را یک گام مهم در توسعهٔ روابط دوجانبه دانسته افزود:‌ ازبیکستان در توسعهٔ تجارت، ترانزیت، و ترانسپورت به‌ویژه در ارایهٔ تعرفه‌های ترجیحی برای اموال صادراتی افغانستان همکاری می‌کند. صدر اعظم اوزبیکستان در مورد اختصاص ۳۵ میلیون دالر برای توسعهٔ زیربنای‌های انتقال مرکز کارگو در ترمذ، معلومات ارایه کرد.
این وزارت همچنان نوشته است، که سرپرست وزارت خارجه افغانستان ضمن قدردانی از مهمان‌نوازی گرم مقامات اوزبیکستان، حمایت آن‌کشور را از برنامه‌ها و موقف دولت جمهوری اسلامی افغانستان در پیوند به روند صلح، موثر و سازنده خواند. اتمر از تعهد و ارادهٔ قوی رهبری افغانستان برای گسترش روابط در عرصه‌های مختلف به‌خصوص روابط تجارتی و ترانسپورتی اطمینان داد. سرپرست وزارت خارجه از رسیدگی به مشکلات بازگانان افغانستانی در ازبیکستان و ایجاد سهولت‌ها برای آن‌ها سپاسگزاری کرد.
این وزارت افزوده است، که هر دو جانب همچنان در مورد تمدید پروژهٔ لین برق سرخان-پلخمری، تشکیل تیم‌های تخنیکی برای مطالعات امکان‌سنجی خط آهن حیرتان-کابل-پشاور،‌ خط آهن حیرتان-هرات-چابهار و خط آهن حیرتان-هرات-کندهار تفاهم کردند.

یادآوری می کنیم، که دیروز میان مسئولان دو کشور موافقتنامه خرید و فروش 10 ساله برق هم امضا شد. 

 

نوار خبری
0
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала