ثبت نام با موفقیت انجام شد!
لطفا لینک ارسال شده به ایمیل را دنبال کنید

امام‌علی رحمان در دیدار با عبدالله/ از تلاش‌های صلح در افغانستان حمایت می‌کنیم

© @AFGHANCE/FBامام‌علی رحمان در دیدار با عبدالله/ از تلاش‌های صلح در افغانستان حمایت می‌کنیم
امام‌علی رحمان  در دیدار  با عبدالله/ از تلاش‌های صلح در افغانستان حمایت می‌کنیم - اسپوتنیک افغانستان
رئیس جمهور تاجیکستان در دیدار با رئیس شورای عالی مصالحه ملی گفته است که صلح و ثبات در افغانستان به معنای صلح و ثبات در تاجیکستان، منطقه و فرامنطقه است.

 به گزارش اسپوتنیک، به نقل از دفتر رسانه‌ای شورای عالی مصالحه ملی،  امام‌علی رحمان، رئیس جمهور تاجیکستان روز سه‌شنبه، دوم جدی در دیدارش با عبدالله عبدالله، رئیس شورای عالی مصالحه ملی، افغانستان را از دوستان و متحدان نزدیک تاجیکستان خواند و تاکید کرد که این روابط ریشه در همسایه‌گی، مشترکات تاریخی، فرهنگی و دینی دارد.

آقای رحمان گفت که افغانستان، تاجیکستان و منطقه از دهشت‌افگنی، افراط‌گرایی و بی‌ثباتی متضرر شده‌اند و صلح و ثبات در افغانستان زمینه‌ی گسترش و توسعه‌ی تجارتی و ترانزیتی میان دو کشور، منطقه و اتصال آسیای مرکزی به جنوب آسیا را فراهم می‌کند.

صلح افغانستان/ محور دیدار عبدالله و رئیس مجلس تاجیکستان - اسپوتنیک افغانستان
صلح افغانستان/ محور دیدار عبدالله و رئیس مجلس تاجیکستان

او افزود که تاجیکستان دوست و متحد افغانستان است و از تلاش‌های صلح در این کشور حمایت می‌کند.

رئیس جمهور تاجیکستان ابراز امیدواری کرده است که تلاش‌های صلح با رهبری رییس شورای عالی مصالحه ملی به پیروزی برسد.

در هیمن حال عبدالله عبدالله نیز گفت که روابط میان دو کشور بر اساس ارزش‌ها و مشترکات تاریخی، فرهنگی و دینی دیرینه استوار است.

آقای عبدالله نقش تاجیکستان در روند صلح و اجماع منطقه‌ی را مهم خواند و افزود، دولت افغانستان برای رسیدن به صلح پایدار، عادلانه، باعزت و با حفظ ارزش‌های جمهوریت متعهد است.

رئیس شورای عالی مصالحه‌ی ملی از افزایش خشونت‌ها در کشور ابراز نگرانی کرد و از گروه طالبان خواسته است که جنگ و خشونت‌ها را متوقف کند.

گفتنی است که آقای عبدالله پیش از این به کشورهای ترکیه، پاکستان، ایران، هند و ازبیکستان نیز سفر کرده است.

هدف این سفرها، تقویت اجماع منطقه‌ای برای صلح عنوان شده است.

نوار خبری
0
ابتدا جدیدها ابتدا قدیمی ها
loader
پخش زنده
Заголовок открываемого материала
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала