آمادگی تاجیکستان برای پذیرش ۱۰۰ هزار مهاجر افغانستانی

© Sputnik / Amir Isaev /  مراجعه به بانک تصاویر آمادگی تاجیکستان برای پذیرش ۱۰۰ هزار مهاجر افغانستانی
آمادگی تاجیکستان برای پذیرش ۱۰۰ هزار مهاجر افغانستانی - اسپوتنیک افغانستان  , 1920, 23.07.2021
عضو شوید
مقام‌های تاجیکستانی از آمادگی این کشور برای ۱۰۰ هزار مهاجر افغانستانی خبر داد. 

گفت و گوی تیلیفونی رئیسان جمهور افغانستان و تاجیکستان درباره وخیم ترشدن وضعیت مرزی - اسپوتنیک افغانستان  , 1920, 04.07.2021
گفت و گوی تیلیفونی رئیسان جمهور افغانستان و تاجیکستان درباره وخیم تر شدن وضعیت مرزی
به گزارش اسپوتنیک به نقل از صبح کابل، یک مقام‌ ارشد تاجیکستان روز جمعه ۱ اسد گفته است، که این کشور در حال ‏فراهم‌کردن شرایطی است تا از ۱۰۰ هزار مهاجر افغانستانی، پذیرایی کند.‌‎ ‎

امام‌علی ابراهیم‌زاده، معاون کمیته‌ی اضطراری تاجیکستان روز جمعه در نشستی گفته است، که ‏جمهوری‌ شوروی پیشین در حال ساخت دو انبار بزرگ برای ذخیره‌ی وسایل مهاجران در ‏ولایت‌های ختلان و گورنو -در منطقه‌ی مرزی بدخشان- است.‌‎ ‎

پیش‌تر امام‌علی رحمان، رییس‌جمهور تاجیکستان، دستور داده بود که ۲۰ هزار سرباز این کشور در ‏مرز با افغانستان مستقر شوند. آقای رحمان روز دوشنبه -۱۴ سرطان-، پس از تماس با برخی از ‏رهبران منطقه به شمول رییس‌جمهور غنی و ولادیمیر پوتین، رییس‌جمهور روسیه، این دستور را ‏صادر کرد.‌‎ ‎

این در حالی است، که در هفته‌های اخیر و به دنبال افزایش حملات طالبان، شماری از رسانه‌های ‏تاجیکستانی، گزارش دادند که بیش‌تر از ۳۰۰ سرباز امنیتی افغانستان، پس از درگیری با طالبان و ‏مقاومت شدید در برابر این گروه، به خاطر حفظ نیروی بیش‌تر، به خاک تاجیکستان عقب‌نشینی ‏کردند؛ اما دولت تاجیکستان، گفته است که آن‌ها قبلا به افغانستان بازگشته اند.‌‎ ‎

یادآوری می کنیم، که تاجیکستان در حالی برای پذیرش ۱۰۰ هزار مهاجر افغانستانی اعلام آمادگی کرده که به تازگی، ‏مجلس نمایندگان امریکا، طرح پیشنهادی افزایش ۸۰۰۰ ویزه‌ی مهاجرتی دیگر را برای ‏افغانستانی‌هایی که با نظامیان امریکایی در افغانستان هم‌کاری کرده اند و پس از خروج آن‌ها در ‏معرض خطر اند، تصویب کرد‎.‎

 

نوار خبری
0
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала