ثبت نام با موفقیت انجام شد!
را دنبال کنیدلطفا لینک ارسال شده به ایمیل

مذاکرات میان طالبان و جبهه مقاومت ملی افغانستان در تاجیکستان برگزار می‌شود

© @https://twitter.comمذاکرات میان طالبان و جبهه مقاومت ملی افغانستان در تاجیکستان برگزار می‌شود
مذاکرات میان طالبان و جبهه مقاومت ملی افغانستان در تاجیکستان برگزار می‌شود - اسپوتنیک افغانستان, 1920, 17.09.2021
مذاکرات میان نیروهای مقاومت ملی افغانستان و گروه طالبان با میانجیگری پاکستان و تاجیکستان در دوشنبه برگزار می‌شود.

به گزارش اسپوتنیک، امام علی رحمان، رئیس جمهور تاجیکستان و عمران خان، نخست وزیر پاکستان در یک نشست مطبوعاتی اعلام کردند که مذاکرات میان نیروهای مقاومت ملی افغانستان و گروه طالبان (ممنوع در روسیه)، ممکن به‌زودی در شهر دوشنبه تاجیکستان برگزار شود.

صدراعظم پاکستان گفت: "ما توافق کردیم که تاجیکستان با رهبران پنجشیر و پاکستان با طالبان صحبت کند تا هر چه سریع‌تر به میز مذاکره در دوشنبه بنشینند".

رئیس جمهور تاجیکستان همچنان تاکید کرد که پاکستان وتاجیکستان به میانجیگری در مذاکرات کمک خواهند کرد.

او افزود: "ما توافق کردیم که در مذاکرات میان طالبان و تاجیک‌ها در دوشنبه کمک کنیم".

اصول اساسی طالبان: رنگ پرچم افغانستان سفید می‌باشد - اسپوتنیک افغانستان, 1920, 17.09.2021
اصول اساسی طالبان: رنگ پرچم افغانستان سفید می‌باشد

امام علی رحمان همچنان تاکید کرد که او از دولت فراگیر در افغانستان با مشارکت همه گروه های اجتماعی حمایت می‌کند.

او گفت: " ما از دولت فراگیر در این کشور با مشارکت همه گروه های اجتماعی حمایت می کنیم، تاجیک ها و سایر اقوام جایگاه شایسته خود را در دولت فراگیر خواهند گرفت. ما متقاعد شده ایم که این تنها گزینه برای تامین صلح و ثبات در افغانستان است".

قابل ذکر است که گروه طالبان بدون درگیری شهر کابل را پس از فرار محمد اشرف غنی، رئیس جمهور پیشین افغانستان تصرف کردند. این گروه در 6 ماه سپتامبر همچنان اعلام کرد که پنجشیر آخرین ولایت افغانستان را نیز تصرف کرده است.

جبهه مقاومت ملی افغانستان با رد این اظهارات طالبان اعلام کرد مقاومت همچنان در این ولایت ادامه دارد.

نوار خبری
0
ابتدا جدیدها ابتدا قدیمی ها
loader
پخش زنده
Заголовок открываемого материала
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала