استانکزی: خواستار برقراری روابط نیک با تاجیکستان هستیم

معاون سیاسی وزیر خارجه طالبان از تاجیکستان خواسته‌است که با "امارت اسلامی افغانستان" روابط خود را برقرار کند.

به گزارش اسپوتنیک، به نقل از تلویزیون ملی شیرمحمد عباس استانکزی؛ معاون سیاسی وزیر خارجه طالبان در اظهاراتی خواستار برفراری روابط نیک با تاجیکستان شده است.

به گفته استانکزی، "افغانستان خانه‌ مشترک همه افغان‌ها است و تمامی افغان‌ها حق زندگی بدون تبعیضات قومی، لسانی و مذهبی را دارند".

او افزوده‌است که طالبان با تمام کشورهای جهان به‌شمول آمریکا خواهان روابط نیک هستند.

استانکزی از کشور تاجیکستان هم خواست تا روابط خود را با "امارت اسلامی" ایجاد کند و گفته که "ما با کشور تاجیکستان مشترکات بسیاری داریم".

د بهرنیو چارو وزارت سیاسي مرستیال شیرمحمد عباس ستانکزي د ۲۰۷ الفاروق قول اردو څخه د لیدنې پر مهال ویلي، چې افغانستان د ټولو ګډ کور دی او ټول پکې د قومي، ژبنیو او مذهبي توپیرونه پرته د ژوند کولو حق لري. نوموړي ویلي ا.ا د امریکا په شمول د نړۍ له هېوادونو سره ښې اړیکې جوړول غواړي. pic.twitter.com/w5xSa2fqdQ

— RTA Pashto (@rtapashto) December 15, 2021

معاون وزیر خارجه طالبان ترکمنستان را نیز دوست "امارت اسلامی" خطاب کرده و گفته‌است که "هیچ‌گاهی این کشور در امور داخلی ما مداخله نکرده‌است و ما هم مداخله نمی‌کنیم".

از میان کشورهای آسیای مرکزی، تاجیکستان تنها کشوری است که آشکار با سیاست طالبان مخالفت کرده و تاکنون با دولت فعلی کابل در ارتباط نیست.

امام‌علی رحمان؛ رییس جمهوری تاجیکستان بارها بر تشکیل دولت فراگیر با مشارکت اقوام افغانستان از جمله تاجیک‌ها تاکید کرده‌است. طالبان این اظهارات رحمان را مداخله در امور داخلی افغانستان خوانده و تهدید به پاسخ کرده‌بودند. اظهارات دوطرف منجر به تنش جدی شده تا جایی‌که گزارش شده‌بود که جوانب مقابل در مرزها مشترک، نیروی نظامی، مستقر کرده‌اند.

از سوی دیگر، تاجیکستان در حال حاضر میزبان مقام‌های "جبهه مقاومت" ضد طالبان به رهبری احمد مسعود است.