بررسی تلفن‌های شخصی؛ محدودیت دیگر طالبان برای شهروندان هرات

طالبان در هرات تلفن‌های همراه شهروندان را خودسرانه بررسی می‌کنند.

به گزارش اسپوتنیک، به نقل از "8صبح" منابع مردمی در هرات می‌گویند که نیروهای طالبان تلفن‌های شخصی باشنده‌گان این ولایت را بررسی می‌کنند.

یک نوار تصویری که در اختیار این رسانه قرار گرفته است، نشان می‌دهد که طالبان روز دوشنبه، 23 جوزا، شماری از جوانان هرات را در ساحه چهارراهی معارف این ولایت توقف داده و تلفن‌های شخصی آنان را بررسی می‌کنند.

باشنده‌گان هرات می‌گویند که این کار خودسرانه طالبان دخالت در حریم خصوصی شهروندان است.

اخیراً طالبان محدودیت‌های زیادی بر شهروندان کشور وضع کرده‌اند.