دستگیری دو قاچاقبر با 47 کیلوگرم مواد مخدر از سوی پولیس تاجیکستان

وزارت امور داخله تاجیکستان 2 عضو یک گروه مواد مخدر فراملی را دستگیر و 47 کیلوگرم مواد مخدر کشف و ضبط کرد.

به گزارش اسپوتنیک، پولیس تاجیکستان دو تن از اعضای یک گروه جنایتکار فراملیتی را که در قاچاق مواد مخدر افغانستان در ترانزیت از خاک تاجیکستان به قرقیزستان دست داشتند، دستگیر کرد.

کارمندان پولیس ترابری وزارت امور داخله تاجیکستان دو تن از اعضای یک گروه جنایتکار فراملیتی را که در ترانزیت مواد مخدر افغانستان از طریق خاک تاجیکستان به قرقیزستان فعالیت می‌کردند، دستگیر و مشخص شد که یان گروه شامل شهروندان افغانستان، قرقیزستان و تاجیکستان است.

به گفته وزارت داخله تاجیکستان، در این عملیات یک شهروند 52 ساله باشنده ای شهر دوشنبه و یک شهروند قرقیزستانی 42 ساله باشنده ای شهر اوش دستگیر و بیش از 47 کیلوگرم چرس کشف و ضبط شد.

وزارت داخله تاجیکستان افزوده است: "مظنونان در نتیجه توسعه اطلاعات عملیاتی دریافتی توسط نهادهای انتظامی در اوایل ماه جولای دستگیر شدند".

مرکز مطبوعاتی وزارت داخله تاجیکستان خاطرنشان کرد: مواد مخدر با منشاء افغانستان در شهر دوشنبه از یک شهروند افغانستانی خریداری شده و سپس به شهر خجند در شمال تاجیکستان منتقل شده و قرار بود از آنجا به شهر اوش قرقیزستان برسد. آنها قرار بود توسط یکی دیگر از اعضای گروه پذیرفته شوند.

این وزارت افزوده است: مردی که قرار بود در اوش مواد مخدر را به فروش برساند، دستگیر شده و دوران محکومیت خود را در قرقیزستان می گذراند.

یادآوری می کنیم، که در نیمه اول سال روان، کارمندان وزارت امور داخله تاجیکستان یک تن مواد مخدر را از گردش غیرقانونی کشف و ضبط کردند.