اوضاع افغانستان محور گفتگوی امام‌علی رحمان با دبیرکل سازمان ملل

امام‌علی رحمان، رئیس‌جمهور تاجیکستان در تماس تلفونی با آنتونیو گوترش، دبیرکل سازمان ملل متحد در مورد افغانستان صحبت کرده است.

به گزارش اسپوتنیک، دفتر ریاست‌جمهوری تاجیکستان اعلام کرده که امام‌علی رحمان در این گفتگوی تلفونی که روز (جمعه، 26 اگست) انجام شد، خواهان ادامه کمک‌های بشردوستانه جامعه جهانی به مردم افغانستان شده است.

آقای رحمان گفته است که جهان نباید مردم "رنج دیده" افغانستان را در شرایط سخت کنونی تنها بگذارد.

دفتر ریاست جمهوری تاجیکستان در اطلاعیه‌ای اظهارداشت که این کشور آمادگی دارد تا قابلیت‌های تدارکاتی خود را برای کمک به مردم افغانستان در اختیار جامعه جهانی قرار دهد.