سفارت امریکا برای شهروندان افغانستان، روسیه و ایران در تاجیکستان ویزا می‌دهد

سفارت امریکا در تاجیکستان اعلام کرده است که پس از این شهروندان افغانستان، روسیه، ایران و کشورهای دیگر می‌توانند ویزای سفر به امریکا را از شهر دوشنبه بگیرند.

به گزارش اسپوتنیک به نقل از هشت صبح، سفارت ایالات متحده امریکا در تاجیکستان روز چهارشنبه ۱۱ عقرب، در برگه رخنامه اش این موضوع را اعلام کرده است.

به گفته مسئولان سفارت امریکا در شهر دوشنبه، پایتخت تاجیکستان، از اول نوامبر سال روان شهروندان افغانستان، روسیه و ایران می‌توانند برای دریافت ویزای غیرمهاجرتی، یعنی ویزای سفرهای گردشگری، دیدار با بستگان و دوستان و یا درمان، به سفارت امریکا در تاجیکستان مراجعه کنند.

یادآوری می کنیم، که امریکا در حالی به شهروندان افغانستان و ایران در تاجیکستان ویزا دادن را آغاز کرده که سفارت این کشور در این کشورها بسته است و همچنان امریکا صدور ویزا را در روسیه محدود کرده است.