16:14 14 اکتوبر 2019

زندانیان افغان از تاجیکستان به میهن برگشتند

© AP Photo / Brennan Linsley/Pool
افغانستان
دریافت لینک کوتاه
0 01
ما را در دنبال کنید

به اساس آخرین توافق‌نامه میان تاجیکستان و افغانستان، 48 زندانی دیگر از زندان‌های تاجیکستان به افغانستان انتقال یافتند.

به گزارش اسپوتینک، این زندانیان به اساس توافق‌نامه اخیر که میان وزیر خارجه امور خارجه افغانستان، صلاح الدین ربانی و دولت تاجیکستان به امضا رسید است، به افغانستان منتقل شدند.

سید معصوم بدخش، مستشار و سرپرست سفارت افغانستان در تاجیکستان به آژانس خبری اسپوتنیک گفت که امروز 48 زندانی افغان با حضور داشت هئیت افغانی و تاجیکستانی به پولیس کندز در شیرخان بندر تسلیم داده شد.

به گفته آقای بدخش این زندانیان آزاد نشدند، بلکه ادامه حبس خویش را در زندان کندز سپری خواهند کرد.

هنوزم حدود 100 صد افغان دیگر در تاجیکستان زندانی اند، بیشتر این افغان‌ها به جرم مواد مخدر و عبور غیر قانونی از سرحد، زندانی شده اند.

صلاح الدین ربانی، سرپرست وزارت امور خارجه افغانستان به تاریخ (16.05.2019) در حاشیه‌ کنفرانس «همکاری بین‌المللی و منطقه ای در مبارزه با تروریسم و منابع مبلغ‌گذاری آن، از جمله قاچاق مواد مخدر و جنایات متشکل» با امام علی رحمان، رئیس جمهور تاجیکستان در دوشنبه دیدار و گفت‌وگو کرد.

این در حالی است، که دولت تاجیکستان حدود سه ماه پیش، 80 شهروند افغانستان را که در این کشور در بند به سر می‎بردند، به حکومت افغانستان سپرده است.

قوانین اظهار نظر بحث
نظر از طریق فیسبوکنظر از طریق اسپوتنیک
  • نظر