به گزارش اسپوتنیک، داکترعبدالله عبدالله رییس اجراییه افغانستان پیش از ظهر امروز (جمعه، ۱۰ عقرب) در رأس یک هیأت بلندرتبه‌ی دولتی به‌منظور اشتراک در «هجدهمین نشست سران حکومت‌های سازمان همکاری شانگهای» به تاشکند پایتخت ازبیکستان سفر کرد.
ریاست اجراییه همچنان نوشته است، که آقای عبدالله ضمن اشتراک در نشست سران حکومت‌های سازمان شانگهای، به نمایندگی از دولت جمهوری اسلامی افغانستان در این نشست سخنرانی می‌کند.
رییس اجراییه قرار است در حاشیه‌ی این نشست با نخست‌وزیران روسیه، ازبیکستان، قزاقستان، قرغیزستان، تاجکستان، معاون اول رییس‌جمهوری ایران، وزیر دفاع هند، سکرترجنرال سازمان همکاری شانگهای و اعضای بلندرتبه‌ی شماری از کشورها ملاقات می‌کند.
یادآوری می کنیم، که که در نشست سران حکومت‌های سازمان همکاری شانگهای در تاشکند درباره‌ی تحولات سیاسی – امنیتی منطقه، همکاری‌های اقتصادی، سرمایه‌گذاری‌های مشترک، توسعه، مقابله با دهشت‌افکنی، افراط‌گرایی و چالش‌های مشترک منطقه‌ای بحث و گفت‌وگو می‌شود.
