به گزارش اسپوتنیک، وزارت شهرسازی اعلام کرد که ثبت زمین های دولتی، طریق برنامه بانک زمین دولتی در جریان یک سال اخیر انجام شده است که در آن چهار میلیون و 700 هزار جریب زمین دولتی در 28 ولایت کشور سروی و ثبت سیستم شده است.
در خبرنامه آمده است که از میان این رقم، 370 هزار جریب زمین در ولایت ننگرهار، 238 هزار جریب زمین در ولایت نیمروز، 235 هزار جریب در ولایت کابل، 230 هزار جریب در ولایت بلخ، 217 هزار جریب زمین در ولایت پکتیا، 200 هزار جریب زمین در ولایت کندز، 198 هزار جریب در ولایت قندهار، 194 هزار جریب در ولایت هرات و متباقی در 20 ولایت دیگر سروی و ثبت شده است.
وزارت شهرسازی و اراضی می‌گوید که این وزارت متعهد به ثبت زمین‌های دولتی و ملکیت‌های عامه تحت استفاده دولت، جلوگیری از غصب بیشتر زمین دولتی و بهره‌گیری مؤثر و مقعول از اراضی دولتی برای تطبیق پروژه‌های عام‌المنفعه در کشور است.
