کرزی: هدف از بمب‌گذاری ها در کابل متزلزل کردن تلاش‌های صلح است

رئیس جمهور سابق کشور ویا بمب‌گذاری‌های روز دوشنبه از جمله حمله به موتر کارمندان وزارت مخابرات و تکنولوژی معلوماتی در کابل را شدیدا محکوم کرد.

به گزارش اسپوتنیک، حامد کرزی، رئیس جمهور پیشین کشور  بمب گذاری موتر ها و حملات علیه کارمندان دولتی را "اقدامی ناکام از سوی دشمنان ثبات افغانستان با هدف متزلزل کردن تلاش‌های صلح" دانست.

آقای کرزی گفت: در نتیجه انفجار این بمب‌ها یک خانم  از کارمندان وزارت مخابرات و تکنولوژی معلوماتی و همچنین یک خانم دیگر از کارمندان وزارت اطلاعات و فرهنگ کشته شدند.

پلیس محلی اوایل روز دوشنبه اعلام کرد، در نتیجه انفجارهای روز دوشنبه در کابل، پایتخت افغانستان بیش از 12 تن هم زخمی شدند.

براساس گزارش رسانه‌های کابل، سه بمب موتر در بخش‌های مختلف کابل را هدف گرفتند. دست‌کم سه تن در این انفجارها کشته شدند.

در همین حال، خانواده‌های قربانیان، حکومت به ویژه‌های نهادهای امنیتی را به ناکامی در کار تأمین امنیت مردم و جلوگیری از رویدادهای هراس‌افگنانه، متهم می‌سازند.

تاکنون هیچ گروهی به شمول طالبان مسؤولیت این انفجار را به عهده نگرفته‌است.