چک به اخراج پناه‌جویان ادامه می‌دهد

جمهوری چک به اخراج افغان‌هایکه جواب رد گرفته اند، ادامه می‌دهد.

به گزارش اسپوتنیک، با وجود اینکه شماری از کشورها روند اخراج مهاجرین غیرقانونی در کشورهای شان را به خاطر اوضاع بد امنیتی افغانستان متوقف کردند، اما معاون نخست وزیر جمهوری چک اعلام کرده است که مقامات تصمیم گرفته اند تا اخراج افغان‌های که درخواست پناهندگی شان رد شده است را ادامه بدهند.
وی خاطرنشان کرد: "چک روند اخراج پناهجویان غیرقانونی را متوقف نمی‌سازد."
پس از خراب شدن اوضاع امنیتی افغانستان کشورهای: فرانسه، آلمان، هالند و سویدن از روند اخراج پناهجویان غیر قانونی دست برداشت.
درحال حاضر در جمهوری چک به تعداد 34 افغان برای پناهندگی مراجعه کرده اند.
به گفته رسانه‌ها سال گذشته 262 خارجی در جمهوری چک تقاضای پناهندگی کرده اند که بیشتر آنها شهروندان اوکراین بوده است.