بازداشت پسران بنیانگذار گروه تروریستی انصارالله در تاجیکستان

دو پسر امرالدین، بنیانگذار گروه تروریستی جماعت انصارالله، که در افغانستان فعالیت داشت، به حکم دادگاه عالی تاجیکستان به حبس طولانی مدت محکوم شدند.

به گزارش اسپوتنیک، به نقل از رسانه های تاجیکستان، حکم حبس پسران امرالدین طبری، در ماه آگوست سال روان اعلام شد، اما دادگاه عالی این کشور این حکم را تنها در 22 ماه اکتبر تائید کرد. در این گزارش آمده است که عبدالفتاح به 23 سال و سید جمال الدین به 16 سال زندان محکوم شدند.

پسران امرالدین، به اتهام سازماندهی جامعه به جنایت کاری، خواستار های عمومی برای تغییر اجباری نظم قانون اساسی تاجیکستان و همچنان به قاچاق غیرقانونی سلاح محکوم شدند.

پسران امرالدین طبری، در سال 2009 توسط ارتش امریکا در افغانستان به اتهام حمایت از تروریسم، بازداشت و به زندان بگرام منتقل شدند، در سال 2015 دادگاه افغانستان آنان را اتهام عبور غیرقانونی از مرز، به 3 سال زندان محکوم کرد، در سال 2018، مقام‌های افغانستان این دو را نفر به تاجیکستان تحویل دادند.
گروه جماعت انصارالله، در ماه مه سال 2012 از سوی دادگاه عالی تاجیکستان به عنوان یک سازمان تروریستی شناخته شد، بنیانگذار این و رهبر پیش این گروه، امرالدین طبری، در زمان جنگ داخلی در تاجیکستان، در کنار نیروهای ضد دولتی جنگید، او در سال 1997 پس از امضای توافق‌نامه صلح، از افغانستان به تاجیکستان بازگشت، اما در سال 2000 دوباره با نهضت اسلامی ازبکستان*، به افغانستان رفت، پس از آغاز عملیات نیروهای ائتلاف جامعه جهانی در افغانستان در سال 2001، او همراه با حامیان اش به پاکستان رفت.
ولی وزارت امور داخله تاجیکستان اعلام کرد که امرالدین طبری، رهبر جماعت انصارالله، تاجیکستان در شمال افغانستان کشته شده است.

*نهضت اسلامی ازبکستان، سازمان تروریستی ممنوعه در روسیه.